27 prilli familjet e personave të pagjetur në Kosovë sivjet i gjen të izoluar në shtëpitë e tyre për shkak të përhapjes së virusit Covid-19, por ata kanë një kërkesë nga qytetarët e tjerë për shënimin e kësaj dite, përcjell InLajmi.
Në orën orën 20:00 t’i fikin dritat në shtëpitë e tyre për 2 minuta, për të shënuar ditën e personave të pagjetur.
Këta familjarë janë çdo herë në pritje të ndonjë lajmi për gjetjen e eshtrave të personave të zhdukur, mungesa e së cilëve i ka lënë këto familje në errësirë shpirtërore për plot 20 vjet.
Kërkesat e tyre drejt institucioneve të Kosovës dhe faktorit ndërkombëtar theksohen çdo ditë, por që premtimet i marrin zakonisht në shënime përvjetorësh dhe të njëjtat nuk realizohen asnjëherë.
Sivjet, në mungesë të mundësisë për të shënuar 27 prillin, Ditën e të Pagjeturve, të organizuar pranë obeliskut të Kuvendi i Kosovës, ata do të shënojnë këtë ditë në shtëpitë e tyre.
Bajram Qerkinaj nga Qendra burimore e Personave të Zhdukur, dhe kryetari i Shoqatës “Zëri i Prindërve”, tregon dhimbjen që e bartin secila familje në kërkim të më të dashurve të tyre të zhdukur në luftë.
“Edhe pse sot po rrëzon dielli, ne jemi qorr, jemi të shurdhër, jemi mentalisht jo në rregull, gjithmonë na cingëron të veshi, na thërrasin fëmijët na thonë ejani na merrni, ne nuk jemi në gjendje me shku me i marrë, nuk jemi në gjendje të dimë ku janë, ne jetojmë në errësirë dhe gjithmonë me ëndrra, gjithmonë fjetë, gjithmonë në terr”, thotë Qerkinaj.
Ai thotë se për shkak të pandemisë me koronavirus, sivjet detyrohen të qëndrojnë në shtëpitë e tyre dhe jo të mblidhen e të ndajnë dhimbjen me njëri tjetrin përmes organizimit të ceremonisë dhe vendosjes së luleve pranë obeliskut.
“Jemi pajtuar që sivjet të mbahet pak më ndryshe se tjera herë, sepse jemi të mbyllur. Ditën e 27 prillit do të jenë disa ceremoni që më herët nuk kanë qenë, është 2 minuta rrymë nuk do të ketë”, thotë ai.
Plaku Bajram Qerkinaj, ani pse i shtyrë në moshë çdo herë u ka prirë organizimeve në kërkim të personave të pagjetur, dhe ka qenë i zëshëm ndaj institucioneve që janë përgjegjëse për zbardhjen e fatit të personave të zhdukur.
Ai u bën thirrje të gjitha shoqatave dhe familjarëve të personave të pagjetur që mos të mblidhen dhe të mbajnë distancën e rekomanduar nga Instituti Kombëtar i Shëndetit Publik.
“Ne bëjmë apel që mos me u tubu, edhe ata që tubohen të kenë distancën 2 metra ose 3, me njëri tjetrin dhe t’i kenë maskat dhe dorëzat”, bën thirrje Bajram Qerkinaj.
27 prilli është ditë për të pagjeturit, jap shënohet gjithmonë me një aktivitet të madh para obeliskut të Kuvedni i Republikës së Kosovës, kemi vendosë lule, kemi dhënë disa vërejtje e mesazhe.
Plaku Bajram Qerkinaj, ani pse i shtyrë në moshë çdo herë u ka prirë tubimeve e organizimeve në kërkim të personave të pagjetur, dhe ka qenë i zëshëm ndaj institucioneve që janë përgjegjëse për zbardhjen e fatit të personave të zhdukur.
Ai u bën thirrje të gjitha shoqatave dhe familjarëve të personave të pagjetur që mos të mblidhen dhe të mbajnë distancën e rekomanduar nga Instituti Kombëtar i Shëndetit Publik.
“Ne bëjmë apel që mos me u tubu, edhe ata që tubohen të kenë distancën 2 metra ose 3 me njëri tjetrin dhe t’i kenë maskat dhe dorëzat”, bën thirrje Bajram Qerkinaj.
Aktiviteti i 27 prillit me thirrje për fikje të dritave për 2 minuta në orën 20:00, organizohet nga Youth Initiative for Human Rights – Kosovo (YIHR KS), Qendra Burimore për Personat e Zhdukur, Integra, Humanitarian Laë Center Kosovo (HLC) dhe Forum ZFD shënojnë Ditën Kombëtare të Personave të Pagjetur nga lufta e fundit në Kosovë.
“Me 2 minuta errësirë në familjet tonat, ne do të mund të bashkëndjejmë sado pak me dhimbjen dhe terrin në të cilën ndodhen familjarët e 1.644 personave ende te pagjetur për tash e 20 vjet Qe 20 vjet familjarët dhe shoqëria kosovare përballen me neglizhencë institucionale për zbardhjen e çështjes së personave të pagjetur. Prandaj, edhe në këtë ditë, si çdo ditë tjetër, ne nuk do t’i harrojmë. Do të vazhdojmë t’i kujtojmë personat e pagjetur, sepse ata janë pjesë e jona. Qeverisë se Kosovës do të vazhdojmë t’i kërkojmë përgjegjësinë ligjore dhe morale që ka për të zgjidhur çështjen e personave të pagjetur, ndërsa shoqërisë kosovare përgjegjësinë kolektive që ka për të mos harruar asnjëherë”, thuhet ndër të tjera në njoftimin e YIHR Kosovo./InLajmi/
