Ka ndërruar jetë një 53 vjeçar nga koronavirusi në vend dhe siç bën të ditur Klinika Infektive bëhet fjalë për një 53 vjeçar, i cili pati komplikime nga infektimi i COVID-19, shkruan InLajmi.
“Klinika Infektive njofton se, sot në orët e pasdites, në Mjekimin Intensiv të kësaj klinike ka përfunduar me vdekje pacienti K. Q. (1967) nga Komuna e Prizrenit. Pacienti ishte hospitalizuar në Klinikën Infektive të QKUK-së në Prishtine më 13.04.2020 dhe që nga fillimi ka qenë në gjendje shumë të rënde dhe në përkujdesje intensive”, shkruhet në njoftim.
Sipas komunikatës, te i sëmuri, gjatë ecurisë së sëmundjes janë zhvilluar ndërlikime si pasojë e Covid -19, të cilat edhe përkundër të trajtimit intensiv, pamundësuan që pacienti t’i mbijetoi sëmundjes.
Kjo është viktima e 19-të që ndërruan jetë shkak i virusit Korona./InLajmi/
