Kryeministri i Republikës së Kosovës, Albin Kurti, emëroi sot zonjën Alma Dushi Kabashi, zëvendësministre në Ministrinë për Komunitete dhe Kthim në Qeverinë e Republikës së Kosovës, përcjell InLajmi.
Zonja Dushi Kabashi është ekonomiste e diplomuar dhe përvoja e saj 20 vjeçare në kontabilitet, shqyrtim të performancave financiare, procedura të prokurimit e çështje tatimore, në kombinim me rolin menaxhues në numër të madh projektesh për shumë institucione e organizata ndërkombëtare, sjell vlerë profesionale të shtuar dhe kompetencë në ministri dhe përgjithësisht në kabinetin qeveritar.
Kujtojmë se sot nga kabineti qeveritar dha dorëheqje këshilltari i kryeministrit në detyrë, Nenad Rashiq./InLajmi/
