Qeveria ende nuk e ka dhënë dritën e gjelbër edhe pse Bundesliga do të ishte e gatshme të ri-fillojë më 9 maj, ka thënë CEO i DFL, Christian Seifert, përcjell InLajmi.
Në konferencën e sotme, Seifert tregoi planet që janë vendosur për rinisjen e garës, duke përfshirë edhe luajtjen pas dyerve të mbyllura me një maksimum prej 213 personash brenda stadiumit dhe 109 jashtë.
“Ne nuk kemi përcaktuar një datë, pasi nuk është në dorën tonë nëse kthehemi ose kur kthehemi. Kemi disa opsione, 1 maji nuk është më një datë reale. Nëse sinjali jepet gjatë javës tjetër, atëherë mund të jetë 9 maji”.
“Sidoqoftë, do të ishte mendjemadhësi nga ne që të caktonim një datë. E gjitha varet nga ajo kur vendosin politikanët, nëse është 9 maji, atëherë do të ishim gati, nëse është më vonë, ne do të jemi gati edhe në atë datë”, ka thënë ai.
Lojtarët e Bundesligës do të kenë teste rigoroze për COVID-19 si dhe çdo efekt tjetër të mundshëm./InLajmi/
