Deputeti i PDK-së, Bekim Haxhiu nuk pajtohet me donacionin që sot Serbia ia ofroi Kosovës duke i dhuruar 1000 testime për koronavirus, e që ky kërkon një sqarim nga Qeveria për këtë gjë, përcjell InLajmi.
Sipas tij, së pari Serbia duhet të kërkojë falje për krimet e luftës.
“Përse është kërkuar ndihmë për teste nga Serbia, a është kërkuar ndihmë nga Shqipëria, Maqedonia, Mali i Zi, Kroacia, Sllovenia apo vendet tjera të BE-së?”
“Albin Kurti e Arben Vitia duhet të na tregojnë se prej kur Serbia qenka bërë kaq e mirë me Kosovën që të na dhuroj teste pa pagesë?! “
“Nga Serbia presim që të tregoj për vendndodhjen e të zhdukurve të luftës së fundit dhe të kërkojë falje për vrasjet, masakrat, dhunimet dhe gjenocidin që e ka bërë në Kosovë”, ka shkruar Haxhiu.
Deputeti i PDK-së ka pyetur se a është reciprociteti i premtuar fakti që mjekët kosovarë nuk lejohen të punojnë në Luginën e Preshevës.
Tutje “Kamishi”, ka thënë se lejimi që 100 mjekë serb të hynin në Kosovë, ka qenë antikushtetues.
“Me këtë vendim Ministria e Shëndetësisë ka bërë ndarje të sistemit tonë shëndetësor në baza etnike dhe ka ri-funksionalizuar sistemin paralel të Serbisë në Kosovë. Ky vendim është në kundërshtim me ligjet e Kosovës dhe me Betimin e Hipokratit, është nënçmim dhe ofendim për mjekët tanë të cilët po përballen me pandeminë COVID-19”, ka shkruar tutje ai.
Postimi i plotë:
Përse po turpëroheni e nënshtroheni para Serbisë?!
100 mjekë e 1000 teste nga Serbia dhe zbatim i gjendjes së jashtëzakonshme të Serbisë në komunat në veri të Kosovës, është turpi i kësaj Qeverie në ikje.
Me datë 19.03.2020, ministri Arben Vitia deklaroi se janë siguruar edhe 7000 teste shtesë për COVID-19. Sipas informatave nga IKSHP deri me tani në Kosovë janë kryer 3410 tesete. Këtu janë përfshirë edhe testet për pushtetarët e ‘Qeverisë Kurti’ të cilët edhe pse nuk kishin simptoma të coronavirusit shfrytëzuan fuqinë e pushtetin për të bërë teset për vete.
Sot Arben Vitia duhet të përgjigjet pse ka mungesë të testeve?
Përse Kosova ka numrin më të vogël të testeve në rajon?
Përse është kërkuar ndihmë për teste nga Serbia, a është kërkuar ndihmë nga Shqipëria, Maqedonia, Mali i Zi, Kroacia, Sllovenia apo vendet tjera të BE-së?
Albin Kurti e Arben Vitia duhet të na tregojnë se prej kur Serbia qenka bërë kaq e mirë me Kosovën që të na dhuroj teste pa pagesë?!
Nga Serbia presim që të tregoj për vendndodhjen e të zhdukurve të luftës së fundit dhe të kërkojë falje për vrasjet, masakrat, dhunimet dhe gjenocidin që e ka bërë në Kosovë.
Nga Serbia duam kërkim falje, para se të dërgoj “testet dhuratë.
Për luftimin e pandemisë kemi kapacitet me menaxhu situatën pa “dhurata” të Serbisë.
Qeveria e Kurti duhet të tregoj se përse po i nënshtrohet Qeverisë së Serbisë, jo vetëm me teste për COVID-19, por edhe me pranim të gjendjes se jashtëzakonshme që Serbia e ka shpallë dhe është zbatu në komunat veriore të Kosovës, ndërsa Qeveria Kurti i është nënshtruar.
Qeveria Kurti i është nënshtruar Qeverisë së Serbisë edhe kur ka bërë marrveshje për lejimin e mbi 100 mjekëve nga Serbia të punojnë vetëm me komunitetin serb në Kosovë pa licencë të punës të Republikës së Kosovës.
Me këtë vendim Ministria e Shëndetësisë ka bërë ndarje të sistemit tonë shëndetësor në baza etnike dhe ka ri-funksionalizuar sistemin paralel të Serbisë në Kosovë. Ky vendim është në kundërshtim me ligjet e Kosovës dhe me Betimin e Hipokratit, është nënçmim dhe ofendim për mjekët tanë të cilët po përballen me pandeminë COVID-19.
Deri me tani është dëshmuar se Kosova ka profesionistë shëndetësorë të mrekullueshëm, ka kapacitet të përballojë pandeminë COVID-19. Ne kemi mjekë të dëshmuar, por ata nuk lejohen të punojnë me licencë të Kosovës në Luginën e Preshevës, ndërsa Qeveria Kurti as që ka menduar për ta. A është ky reciprociteti i premtuar?
Nga premtimet për bashkim kombëtar e reciprocitet me Serbinë, Qeveria Kurti sot po ofron vllaznim – bashkim e nënshtrim në raport me Serbinë./InLajmi/
