Mbrëmë gjatë një emisioni gazetari Fidan Jupolli u kërcënua disa here dhe ndaj këtyre personave ka hapur padi, e lidhur me këtë rast kanë reaguar shumë deputetë, institucione e persona publikë, përcjell InLajmi.
Edhe deputetja e VV-së Mimoza Kusari e dënon kërcënimin ndaj gazetarëve duke thënë se kjo është cenimit të fjalës edhe mendimit të lire.
“Kjo puna e kërcënimit të gazetarëve në përgjithësi e kësaj radhe Fidan Jupolli në veçanti, seç ta zgjon një rezistencë të papame ndaj cinikëve dhe arkaikëve që mendojnë se mund të cenohet liria e mendimit dhe e fjalës së lirë.”
Ajo tha se përderisa kjo liri e fjalës nuk cenon lirinë e tjetrit, askush dhe në asnjë formë nuk ka drejtë të kërcënojë apo të mundohet të frikësojë dikënd për të kufizuar lirinë e shprehjes.
“Gjithashtu, nuk e besoj se dikush me kokë të shëndoshë mendon t’i bëjë nder ndonjë subjekti politik duke kërcënuar gazetarin. Kjo kohë shumë moti ka ikë dhe kurrë nuk kthehet më. E edhe kur ka qenë, nuk ka pasë efekt”.
“Shëndet e shumë kreativitet Fidan e me ata që mendojnë se munden me të ndalë, merret drejtësia me ta” tha Kusari./InLajmi/
