Një lajm i mirë na vjen sot nga Komuna e Gjilanit ku për 24 orët e fundit nuk e ka të regjistruar asnjë rast të prekur me Covid-19, si rezultat i vetpërmbajtjes së qytetarëve, përcjell InLajmi.
Kështu ka njoftuar kryetari Lutfi Haziri i cili ka falënderuar qytetarët për lojalitetin, derisa ka kërkuar që të vazhdojnë të vetëpërmbahen duke duke qëndruar në shtëpi, sepse masat kundër kësaj sëmundje janë shumë të ashpra.
“I kemi lokalizuar rastet dhe jemi të mobilizuar që ta monitorojmë situatën 24 orë, duke pasu kujdes të vecantë për individët që janë të infektuar. Lajm i mirë është se kemi 17 raste në Gjilan të shëruara plotësisht, por nuk do të thotë se kemi përballuar situatën”.
“Jemi në kulmin e krizës së infeksionit dhe duhet të vetëpërmbahemi, sipas masave të reja të qeverisë, të cilat sot në Gjilan dhe Anamoravë janë zbatuar në tërësi”, ka deklaruar Haziri./InLajmi/
