Kryeministri në detyrë, Albin Kurti në një konferencë për medie ka shpalosur masat e parapara në Pakon Fiskale Emergjente të miratuar nga Qeveria.
Kurti ka njoftuar se Qeveria do të hartojë një pako të dytë afatgjate emergjente për rimëkëmbjen e ekonomisë.
“Ne kemi vendosur për një pako fiskale emergjente e cila është dizajnuar për të arritur disa qëllime për të ndihmuar shtresat më të varfra ti ndihmojë bizneset për të pasur mundësi të vazhdojnë edhe pas tejkalimit të pandemisë. Të sigurojmë likuiditet. Kjo pako nuk ka qellim politika afatgjate, por do të hartohet një pako e dytë për nevojat afatgjate për sektorin privat dhe rimëkëmbjen e ekonomisë”.
“Pagesa te dyfishtë për skema sociale, 30 euro shtesë në muaj për tre muaj për skemat. Mbulimi i pagave 170 euro për dy muajt për punonjësit dhe pagesat e qerasë për bizneset. Pagë shtesë nga 300 euro për dy muaj për punonjësit e marketeve, furrave dhe barnatoreve. Pagesa e asistencës mujore për 130 euro që humbin vendet e punës”.
“Mbështetja e projekteve që ndihmojnë jetën e personave jo shumicë në vlerë deri 2 milionë euro. Rritje e subvencione për sektorin e Bujqësisë, evitimin e ministrisë se Kulturës. 130€ për dy muaj për bizneset qe regjistrojnë punëtorët me kontratë pune 1 vjeçare”.
“Do t’ia dalim me ketë pako e cila do të pasohet me pakon për rimëkëmbjen e ekonomisë”, tha Kurti.
Bislimi: Synimet politike s’mund ta paralizojnë Qeverinë
Ministri në detyrë i Transfereve dhe Financave, Besnik Bislimi, deklaroi se nuk mund të hartohet pako afatgjate emergjente derisa ende është duke vazhduar pandemia dhe nuk dihet dëmi i shkaktuar.
Bislimi kërkoi nga subjektet politike që në vend të bllokadës të bëhen bashkë në luftimin e Coronavirusit, raporton EO.
Mes tjerash, tha ai se këto synime politike nuk mund ta paralizojnë Qeverinë.
“Nuk mund të hartojmë pako afatgjate nëse nuk e dimë demin ekonomik. Të gjitha ndërkombëtaret na kanë sigurua kredi. Kemi marrë kredi prej fondit ndërkombëtar e cila nuk mund te shkoj ne parlament”.
“Ne kemi kapacitetet në vend të bllokadës të bëheni bashkë për ta luftuar pandeminë. Nuk mund ta paralizoni qeverinë. Masat e ndërmarra i drejtohen çdo punëmarrësi, fermerëve, komuniteteve dhe skemave sociale”, ka thënë Bislimi.
