Ai tha se të gjitha mjetet do të shkojnë në mbështetje të të gjitha aktiviteteve të ministrive, të cilat kanë nevojë financiare shtesë për ta zvogëluar ndikimin e pandemisë në sektorin e caktuar.
Mirëpo, me këtë thirrje të Albin Kurtit nuk po pajtohen në Lidhjen Demokratike të Kosovës.
Kreu i LDK’së, Isa Mustafa ka thënë se fonde të tilla mund të parashikohen vetëm me Ligjin për Buxhetin.
Ai thotë se jashtë ligjit, Qeveria nuk mund të përfitojë fonde dhe as t’i menaxhojë ato.
“Mendoj se fonde të tilla mund të parashikohen dhe të hapen vetëm me Ligjin për Buxhetin, të destinuara për nevoja të veçanta. Jashtë Ligjit, Qeveria nuk mund të përfitojë fonde dhe as të menaxhojë fonde”, ka deklaruar shefi i LDK’së
