Kur je në një lidhje, zënkat janë të pashmangshme. Por nëse këto bëhen gjithnjë e më të shpeshta është e natyrshme ta pyesni veten nëse lidhja ka arritur fundin, përcjell InLajmi.
Përpara se të përhapni panik dhe të mendoni se marrëdhënia juaj ka mbaruar vetëm sepse në 1 javë jeni zënë më shumë se 2 herë, mësoni diçka: është krejtësisht normale të keni mospërputhje argumentash me partnerin tuaj.
Frekuencat e konflikteve nuk kanë një formulë të saktë. Disa çifte zihen më shumë se të tjerët, por kjo s’do të thotë që s’bëjnë për njëri tjetrin.
Zënkat tregojnë se ju shfaqni interes për këtë lidhje, por sigurisht duhet të jenë të shëndetshme. Si ta kuptoni këtë?
Si konfliktoheni?
E rëndësishme është t’i kushtoni vëmendje mënyrës se si ziheni. Nëse edhe gjatë zënkës tregoheni të respektueshëm, është ok. E mira është të mos kalojë në sulm personal. Kujtoni që gjithçka bëhet për të mirën e të dyve.
- I përfundoni zënkat tuaja?
Si pajtoheni ti dhe parnteri juaj ka gjithashtu rëndësi. Çiftet që ja dalin të pajtohen me paqe dhe dashuri bëhen edhe më të lidhur me njëri tjetrin.
- Je ndjerë ndonjëherë e kërcënuar?
Nëse gjatë një sherri, partneri ju ka bërë të ndiheni fizikisht apo psikologjikisht të pasigurta, kujdes! Zënkat janë të shëndetshme për aq kohë sa ju ndiheni e sigurtë dhe jo e kërcënuar./InLajmi/
