Fokaçia është një zgjidhje e shpejtë dhe gjithmonë e shijshme, për ata që pëlqejnë brumërat! Mbushja mund të jetë sipas dëshirës, madje, edhe vetëm djathi i bardhë me pak vaj ulliri, mjafton!
Koha e pjekjes 30/35 minuta
Përbërësit për tavë me diametër 28/30cm:
350 g miell
150 ml qumësht
60 g gjalpë i butë si krem (nxirreni disa orë më parë nga frigoriferi)
1 lugë e vogël kripë
1 lugë e vogël sheqer
12 g maja birre e freskët (½ kubit) + 3 lugë ujë të vakët për t’u tretur
Për mbushjen:
● 150g djathë Gorgonzola ose djathë tjetër që shkrin nga nxehtësia
● 5-6 fiq të pjekur
● një grusht arra të qëruara
● pak rozmarinë e freskët
● 2-3 lugë mjaltë (unë i vë 3 lugë plot se më pëlqen kontrasti i mjaltit me Gorgonzola-n)
Përgatitja:
Ndezim furrën në 180°C.
- Në një tas hedhim majanë në thërrime, me ujin dhe sheqerin, i përziejmë sa të tretet majaja. Shtojmë më pas qumështin, miellin, gjalpin dhe kripën. I përziejmë me lugë druri dhe më pas me dorë, në tavolinë, me pak miell derisa të përftojmë një brumë të butë që nuk ngjit.
- Hapim brumin me petës e pak miell, e vëmë në tavë të lyer më parë me pak vaj, shpërndajmë djathin, fiqtë, pak rozmarinë, arrat dhe i spërkasim me mjaltë. E vëmë të piqet në furrë derisa të shohim që brumi ka marrë ngjyrë si lart edhe poshtë.
Ju bëfë mirë!
