Gjatë ditës deputeti i Nismës Haxhi Shala, deklaroi se kryeministri Kurti dhe Ministri Vitia po e neglizhojnë Malishevën, përcjell InLajmi.
E deputeti i LDK-së Driton Selmanaj reagoi me anë të një postimi në facebook, Selmanaj ka thënë se Malisheva “s’është pronë e asnjë subjekti politik, dhe si e tillë ajo duhet të ndihmohet”.
Sipas Selmanajt, zërat me diskurs primitive dhe provincial duhet të izolohen.
Postimi i plotë:
Malisheva nuk është pronë e asnjë subjekti politik e aq më pak e ndonjë individi apo politikani. Ajo është e qytetarëve të saj, është e Kosovës sonë në tërësi.
Prandaj të gjitha institucionet me kapacitetin e tyre të plotë duhet të vëhen në shërbim që ta ndihmojnë Malishevën për ta përballuar këtë situatë kaq të rëndë!.
Zërat me diskurs primitiv dhe provincial duhet izolohen./InLajmi/
