Deputetja e Parlamentit Evropian nga Grupi i të Gjelbërve, Viola von Cramon-Taubadel, i ka dhënë kurajo kryetarit të LDK-së Isa Mustafa duke treguar mbështetjen e Be-së për Kosovën, shkruan InLajmi.
Përmes një postimi në facebook, Von Cramon tha se të gjithë politikanët nga parti të ndryshme në Parlamentin Evropian, e mbështesin integrimin evropian të Kosovës.
“Jam e lumtur t’i tregoj Isa Mustafës se PE-ja është në anën e Kosovës për aspiratat e saj në BE. Ai s’duhet të brengoset, sepse politikanë nga familje të ndryshme partiake, përfshirë edhe familjen e partisë së tij, EPP-në, po e mbështesin integrimin në BE, reformat, institucionet e qëndrueshme dhe funksionale, e jo vetëm të majtit”, shkroi ajo.
Këtë postim, Von Cramon e bëri si kundërpërgjigje ndaj një postimi të djeshëm të kreut të LDK-së, i cili foli për raportet e Kosovës me BE-në dhe SHBA./InLajmi/
