Sheshet e Prishtinës janë mbyllur përkohësisht për qytetarët për shkak të situatës së krijuar nga Coronavirusi.
Në sheshet “Skënderbeu”, “Nënë Tereza” dhe “Zahir Pajaziti”, policia ka vendosur shirita duke pamundësuar lëvizjen.
Pjesëtarë të Policisë janë vendosur në sheshe për të ndaluar qytetarët që po kalojnë.
Zëdhënësja e Komunës së Prishtinës, Miranda Mullafazliu ka thënë se mbyllja e shesheve në Prishtinës është në kompetencë të Qeverisë.
“Mbyllja e shesheve është bërë me urdhër të Qeverisë së Kosovës. Ajo i merr këto vendime”, ka thënë shkurt ajo për Ekonomia Online.
