Pandemia e krijuar nga koronavirusi sigurisht që po shkakton dhe do të vijojë të shkaktojë ndër të tjera edhe një situatë aspak të qëndrueshme ekonomike, shkruan InLajmi.
Ndiqni një listë të caktuar
Mënyra e duhur për të shpenzuar sa më pak është të planifikuarit e ushqimeve. Bëni një listë me produktet e nevojshme. Kurseni kohë dhe para në supermarket. Nëse nuk keni një ide të qartë se çfarë ju duhet, do të përfundoni me shtatë lloje të ndryshme çokollatash, kos frutash, biskota, pije freskuese etj.
Krahasoni çmimet
Të gjithë biem dakord se duam ushqime të shëndetshme, mirëpo markat e ndryshme kanë çmime të ndryshme, ndonëse produkti që tregtojnë ka të njëjtën cilësi. Ndaj krahasoni çmimet dhe përbërësit përkatës dhe nëse nuk ka asnjë diferencë në cilësi, blini markat që janë më të lira.
Mos blini produkte në një vend të vetëm
Koha mund të mos jetë në favorin tuaj, megjithatë në rast të kundërt, tregohuni të vëmendshëm. Dyqanet mund të bëjnë ulje dhe kështu përfitoni nga ofertat.
Bëni kujdes kur blini në masë
Siç e thamë më sipër, disa produkte mund të jenë më ofertë dhe kjo gjë mund t’ju shtyjë që të blini në masë. Qëndron si zgjidhje, mirëpo kujdes me frutat dhe perimet, të cilat nuk rezistojnë gjatë. Nëse blini në masë, blini vetëm ushqime që skadojnë muaj më vonë./InLajmi/
