Kryetari i LDK-së Isa Mustafa ka thënë se Ardhmëria e Kosovës është dhe mbetet në integrimet evropiane dhe euroatlantike. Anëtare e BE-së dhe NATO-s dhe në miqësi e partneritet të ngushtë me SHBA-të, shkruan InLajmi.
“Kemi të drejtë të zhgënjehemi në BE-në dhe në disa vende të BE-së për mosliberalizim të vizave. Kemi të drejtë, po ashtu, të shprehim shqetësimin tonë sesi do ta drejtojë dialogun perfaqësuesi i lartë i BE-së, Borell, i cili Serbinë e cilëson shtet, kurse Kosovën, vetëm, vend që nuk e kanë njohur edhe 5 shtete të BE-së. Ose se, a është më i qëlluari i tij, z. Lajçak, që kundërshtoi anëtarësimin e Kosovës në UNESKO, ai që do të jetë neutral në ndërmjetësimin e dialogut. Ose a është raportuesja për Kosovën në Parlamentin Evropian, raportuese për krejtë Kosovën apo raportuese e një partie politike të majtë, ashtu siç po sillet!?” ka shkruar Mustafa në facebook.
Ai tha se zhgënjimi nuk është humbje e besimit. Besimi në BE dhe institucionet e saj qëndron në orientimin tonë të paluhatshëm dhe pa alternativë të integrimit tonë evropian. Një mik imi thoshte, “edhe nëse na largojnë nga dera, ne hyjmë nga dritarja”.
“Interpretimi i tillë është mënyra më primitive dhe më diletante e rezonimit politik, i kujdoqoftë ai. Edhe i ndonjë diplomati që bindjet e veta i ndërton në ndeja, darka e dreka,me ata që i pēlqenë dhe i flasin ashtu siç ai/ajo do të dëshironte të dëgjoj. I disa mediave apo pjese të shoqerisë civile. I militantëve partiak dhe “rebelëve” partiak” ka shtuar tutje.
“LDK ka dije, kuadro dhe vizion të drejtoj shtetin, të luftoj Pandeminë e pamërshishme, të ballafaqohet me pasojat ekonomike dhe sociale të Covid-19 si dhe të avancoj vendin në rrugën tonë evropiane. Shtëpia nuk mbahet pa miq, thoshte Presidenti Historik, Dr. Rugova ; andaj LDK është garancioni për përparim në partneritet, në BE, gjithsesi, me SHBA domosdo”. IM/InLajmi/
