Kryetari i Komunës së Kamenicës, Qëndron Kastrati, ka bërë të ditur se pas kontakteve me personat që tashmë janë pozitiv me koronavirus në fshatin Topanicë të këtij qyteti, 21 familje janë futur në karantinë, përcjell InLajmi.
“133 persona të këtyre familjeve janë që kanë pasë kontakt me të prekurit me Covid-19. Ne jemi duke i identifikuar dhe hulumtuar vazhdimisht personat dhe familjet që kanë pasë kontakt me të prekurit e fshait Topanicë”.
“Këtyre personave kemi kërkuar që të iu bëhen testet me radhë që të identifikohen kush është i prekur dhe kush jo”.
“Gjithashtu kemi angazhuar një market që t’i furnizojë me ushqim, dhe një person t’i furnizojë me barna nëse kanë nevojë. Po ashtu janë angazhuar edhe policia të cilët janë duke qëndruar tek 21 shtëpitë”, ka thënë Kastrati për klankosova.tv./InLajmi/
