Kryetarja e Kuvendit Vjosa Osmani ka thënë se qeveria Kurti ishte qeveria e parë e cila e kishte në programin e saj qeverisës padinë për gjenocid ndaj Serbisë shkruan InLajmi.
Duke kujtuar 21 vjetorin e masakrës në lagjen Qerim të Gjakovës, ku janë vrarë 21 persona, gra dhe fëmijë, Osmani ka thënë se kjo qeveri që u rrëzua ishte e para e cila fliste para botës për vuajtjen e fëmijëve gjatë luftës dhe që kërkonte drejtësi.
“Për herë të parë, Kosova kishte Qeveri që në Programin e saj kishte edhe përgatitjen e Padisë për gjenocid kundër Serbisë. Për herë të parë, Kosova kishte institucione që flisnin para gjithë botës për vuajtjen e fëmijëve gjatë luftës dhe kërkonte drejtësi për ta dhe insistonte që nuk ka paqe pa drejtësi. Ta kujtojmë këtë sot e çdo ditë, përderisa përkujtojmë fëmijët e vrarë, masakruar e të djegur për së gjalli, në Gjakovë e anekënd Kosovës”, ka shkruar Osmani, derisa ka shpërndarë historinë e 10 vjeçarit nga kjo masakër i vetmi që kishte mbijetuar./InLajmi/
