Komuna e Obiliqit ka filluar me shpërndarjen e ndihmave për familjet në nevojë përshkat të gjendjes së krijuar pas pandemisë COVID-19, shkruan InLajmi.
Janë 376 pakove ushqimore dhe higjenike nga fondi emergjent i Komunës së Obiliqit, të dedikuara për familjet në nevojë.
Këto pako janë dërguar në shtëpite e 376 familjeve, me këtë rast Kryetari i Komunës Xhafer Gashi, ka falenderuar ekipet e shtabit emergjent, vullnetarët dhe kompanitë private për ofrimin e mundësise së transportimit të pakove te këto familje.
Po ashtu, ka falenderuar të gjithë qytetarët për bashkëpunimin e treguar, duke ju bërë thirrje që të vazhdojnë të qëndrojnë në shtëpi, të respektojnë rekomandimet nga IKSHPK-ja.
Kemi përjetuar dhe tejkaluar shumë sfida së bashku, të bashkuar do dalim fitues edhe në këtë sfidë!
Na ndihmoni duke qëndruar në shtëpi, ne jemi pranë jush!/InLajmi/