Fedarata e basketbollit të Kosovë sot ka marrë vendim që ti anuloj garat në dy kategoritë për meshkuj dhe femra në Superligën e Kosovës në Basketboll, shkruan InLajmi.
Arben Fetahu kryetar i FBK-së përmes një deklarate tregon se për arsye të gjendjes së rënduar me pandeminë COVID -së, ka paraqitur bordit vendimin për anulimin e garave në Superligave të Kosovës.
“Sot u detyrova që t’ia paraqes Bordit të FBK-së vendimin më të dhimbshëm të këtij mandati – atë të anulimit të garave të Superligave të Kosovës. Në kohë si kjo, kur vendi jonë po përballet me një armik të padukshëm dhe të pabesë, komuniteti i basketbollit dhe më gjerë duhet të tregojë përgjegjësi, unitet dhe solidaritet. Prandaj, pas konsultimeve me të gjitha palët e interesit, dhe pas konstatimit se shëndeti i tifozëve, stafit dhe lojtarëve duhet të jetë prioritet i yni dhe në këtë frymë, Bordi i FBK-së ka vendosur sot njëzëri që të anulojë garat e edicionit 2019/20 në Superligën e Kosovës dhe Superligën e Femrave në basketboll”.
Fetahu duke i falenderuar klubet, tifozët, dhe të gjithë akterët sportiv, thotë se ky vendim është shumë i dhimbshëm për basketbollin kosovar sepse u dasht të merret në kulmin e një edicioni garrues, ku kishte një konkurrencë të fortë.
“Për sportin tonë ky vendim është posaçërisht i dhimbshëm, duke qenë se u detyruam ta marrim atë në kulm të një edicioni garues me konkurrencë të fortë, me lojë të paparakishueshme në kuptim të rezultatit dhe në të cilin shikuesit e patën fjalën kryesore, gjë që dëshmohet me mbi 15.000 bileta të shitura gjatë javës së Final 8 të Kupës së Kosovës në Rahovec, me sallat e rimbushura plot anekënd Kosovës dhe me përcjelljen e interesin e shtuar mediatik ndaj sportit tonë të zemrës”.
“Jemi të vetëdijshëm se skuadrat e superligave të Kosovës sivjet kanë bërë investime të konsiderueshme dhe kanë shfaqur nivel më të lartë organizativ dhe sportiv, sigurisht me pritjen që këto investime t’ju kthehen me kurorëzim të aspiratave të tyre sportive, por në rrethana kur kthimi në normalitet nuk është i parashikueshëm janë pikërisht këto klube që do të përfitojnë më së shumti nga vendimi i sotëm”./InLajmi/
https://www.facebook.com/kosovobasketball/photos/a.251084378404819/1409941142519131/?type=3&__xts__%5B0%5D=68.ARAvGmT2aBQftNSkhRqUGMIeOyOi477zDrILmpry7nR6MNtSJPO507o9UJEpMN3RXYVOBmIOfUN5boWqaeDRxoJV9RVZpoBBG5WsEiGVjIjHGYqz7QAp_PS0BBgcoQp5ZHieR1NxdAGnAytqUQ9nOk08HsrKA9qam8RH-Fj4LtDtbWQG_XrTEjiutxgjvNvfZrG1OAShDwkll-TJfoBxZq8MhmsXds92tCZ5zWGI2LyWv9tBfEpAiA2eMaeqBqPLjQsOCOaNRpeitpRUyzDjtjgDQz4G6SK_TAanFmtURwQF0xIYvA2O72BmMSC_PKIV3fh16G1ewHo70V0-tMISauYuPw&__tn__=-R
