Kryeministri në detyrë i Republikës së Kosovës Albin Kurti, së bashku me ministrin në detyrë të Ministrisë së Shëndetësisë, Arben Vitia, sot vizituan Institutin Kombëtar të Shëndetësisë Publike të Kosovës, shkruan InLajmi.
Atu u pritën nga (IKShPK), ku u pritën nga Drejtori, Prof. Dr. Naser Ramadani dhe Shefi i Mikrobiologjisë së IKShPK-së, njëherit Kryesuesi i bordit të ri të Shërbimit Spitalor Klinik Universitar të Kosovës (ShSKUK), Dr. Xhevat Jakupi.
Në bazë të deklaratës për medi, në këtë Institut janë të mbledhur profesionistët e vullnetarët mirë të përgatitur për t’i bërë ballë kësaj pandemie që e ka goditur të gjithë globin.
Nga distanca, meqenëse këshillat e profesionistëve janë të tilla, u takuam me stafin e thirrjeve të cilët e monitorojnë e raportojnë situatën nga terreni 24 orë.
Si Qeveri përveç që u qëndrojmë pranë me mbështetje e u jemi falënderues përjetë mantelbardhëve, shpresat i kemi varur te ta për shpëtimin e jetëve e për kalimin nga kjo fazë me sa më pak pasoja, thuhet ndër të tjera në deklaratë./InLajmi/
