Ministri i Shëndetësisë, Arben Vitia, në një konferencë për media ka thënë se masat e reja që nuk po zbatohen nga qytetarët do të pasojnë më gjoba.
Vitia ka theksuar se 5 nga 36 pacientët e shtrirë nqë Klinikën Infektive në QKUK, janë në gjendje më të rëndë shëndetësore.
“Deri më tani janë kryer 1 mijë e 37 testime me mostra të dyshimta. Janë 91 raste të konfirmuara, 1 i vdekur dhe 1 i shëruar. 36 pacientë po trajtohen për COVID-19, 31 prej tyre janë në gjendje stabile, 5 të tjerë janë në gjendje shëndetësore më të rënduar dhe janë në oksigjeno-terapi”, ka theksuar Vitia.
Ai ka thënë se qytetarët duhet të respektojnë rekomandimet e dhënë nga institucionet përgjegjëse, andaj edhe është bërë thirrje që të respektohen vendimet e qeverisë.
Ministri ka thënë se ndihma si brenda ashtu edhe jashtë vendit po vazhdojnë andaj edhe është bërë kërkesë për 10 teste të reja që të sillen në Kosovë.
Me tutje është thënë nga ministri Vitia se deri më tani janë lajmëruar mbi 300 vullnetarë që po ndihmojnë stafin mjekësor dhe më gjerë në luftë kundër koronavirusit, me ç’rast ka falënderuar të gjithë,
“Por, ju bëjmë thirrje për bashkëpunim tuajin. Ju lutem të shmangni edhe vizitat familjarëve dhe grumbullimit të grupe. Kjo situatë do të kalojë se bashku me bashkëpunimin tuaj”, ka thënë Vitia, duke u shprehur se vetëm kështu mund ta ndihmojmë stafin mjekësorë.
Ndërsa, Naser Ramadani, drejtor i Institutit Kombëtar të Shëndetësisë Publike, ka thënë se situata është në kontroll tani për tani dhe nga 1037 mostra të bërë, 91 kanë rezultuar pozitive dhe një person i shëruar.
Ramadani ka thënë se pacientet dalëngadalë po shërohen, por gjithmonë duke kërkuar nga qytetarët të respektojnë rekomandimet e institucioneve përgjegjëse për të mbajtur higjienën personale, të lajnë duart, të mos prekin fytyrën dhe të mbajnë distancën me tjetrin.
