Numri i vdekjeve lidhur me koronavirusin e ri ka arritur në gjithsej 1,228, pasi sot u raportuan 209 vdekje të reja përbrenda natës.
Kjo konsiderohet si dita e dytë më e rëndë në aspektin numerik që nga shpërthimi i COVID-19 në rajonin e Mbretërisë së Madhe.
Shifrat bëhen të ditura në kohën kur ministri i kabinetit Michael Gove paralajmëroi se izolimi mbarëkombëtar mund të zgjasë më shumë nëse njerëzit nuk i përmbahen masave të ndërmarra.
“E gjithë kjo varet nga sjellja jonë. Nëse ndjekim udhëzimet si duhet, ne mund të ndalojmë efektivisht përhapjen e sëmundjes”, ka thënë Gove, shkruan Metro.
Deri më tani, nga kabineti qeveritar britanik janë prekur nga koronavirusi kryeministri britanik, Boris Johnson dhe Ministri i Shëndetësisë Matt Hanckock.
