“Besueshmëria dhe dobia” e Bashkimit Evropian përballet me rrezikun në kohën e krizës së koronavirusit, sipas Ministres Franceze për Çështje Evropiane, Amélie De Montchalin.
“Nëse disa nuk dëshirojnë [solidaritet], ne do të duhet të marrim në dyshim kredibilitetin e tyre [BE-në] dhe të pyesim se çfarë jemi akoma duke bërë me 27 shtetet anëtare. Është çështje themelore, ekzistenciale”, është shprehur De Montchalin për RTL Radio.
Ministrja franceze po fliste pas mosmarrëveshjeve midis vendeve anëtare të BE-së për mënyrën më të duhur për të trajtuar ndikimin e koronavirusit në ekonominë e BE-së.
Një diplomat evropian, pas një takimi të gjatë të BE që u zhvillua të enjten, i tha CNN se Italia dhe Spanja kishin bllokuar një deklaratë të fundit të gjerë të BE-së, duke thënë se ishte e paqartë dhe i mungonin masat konkrete.
“Nëse Evropa sjellet si një treg i brendshëm kur gjithçka është mirë, atëherë kjo nuk ka kurrfarë kuptimi”, shtoi De Montchalin.
