Kryetari i Rahovecit, Smajl Latifi ka vizituar stafin mjekësor në QMF-të, në Krushë të Madhe dhe Ratkoc, staf ky i cili po qëndron në krye të detyrës në këto ditë të vështira të krijuara nga COVID-19.
“Nga afër ai u njoftua me përgatitjet që janë bërë, edhe pse ende nuk është verifikuar asnjë rast i infektuar me virusin COVID-19 në komunën tonë, stafi mjekësor i të dy qendrave është i pajisur me maska, dezinfektues dhe të gjitha masat mbrojtëse, në mënyrë që të ofrojnë shërbime profesionale dhe të sigurta për qytetarët, tashmë Komuna e Rahovecit ka marrë vendim që në të dy QMF-të në Krushë të Madhe dhe Ratkoc, edhe ditën e shtunë të punohet me orar të rregullt” , ka thënë kryetari Latifi..
“Në cilësinë e Kryetarit të Komunës, të dy stafet në këto QMF, i inkurajova që në këtë situatë të jenë sa më vigjilent dhe të zbatojnë në përpikëri të gjitha rekomandimet e dhëna nga Organizata Botërore e Shëndetësisë (OBSH) dhe Instituti Kombëtar i Shëndetësisë Publike i Kosovës (IKSHP).Mirënjohje të thellë dhe falënderim për përkushtimin, profesionalizmin dhe sakrificat, edhe të familjeve të tyre”, është shprehur Kryetarit Latifi.
Për të arritur misionin tonë në parandalimin e këtij virusi, nevojitet edhe vetëdijesimi i juaj, andaj kërkoj nga të gjithë ju të nderuar qytetarë, që të qëndroni në shtëpitë e juaja, e në rastet kur keni shenja të virusit korona të kontaktoni këta numra:
044/ 230- 138–Drejtori i QKMF-së Rahovec
️044/ 426- 416–Drejtori i DSHMS-së Rahovec
️029/ 277- 913–Stacioni Policor Rahovec
