Profesori i Filozofisë, Blerim Latifi, ka komentuar deklaratën e Kryeministrit në detyrë të Kosovës, Albin Kurti, lidhur me atë se çfarë thotë Kushtetuta e Republikës së Kosovës, shkruan InLajmi.
Latifi ka thënë se me këto deklarata Kurti bën thirrje sikurse ai është rruga e vetme dhe e vërteta e vetme, lidhur me situatën aktuale politike në vend.
Përmes një postimi në Facebook, Latifi është shprehur se deklaratat e Kurtit, i cili sipas tij, i ka thënë Presidentit se ai nuk ka të drejtë ta interpretojë kushtetutën për sa i përket çështjes së krijimit të Qeverisë së re, ndërsa vetë ka bërë një interpretim të thuktë të saj po për të njëjtën çështje.
Postimi i plotë i tij:
Albin Kurti i paska thënë presidentit se ai nuk ka të drejtë ta interpretoj kushtetutën për sa i përket çështjes së krijimit të qeverisë së re, ndërsa vetë paska bërë një interpretim të thuktë të saj po për të njëjtën çështje. Madje me tonin e një interpretuesi suprem, që nga lartësitë olimpike të autoritetit të tij thërret: “Unë jam rruga, Unë jam e vërteta!”/InLajmi/
