Si masë parandaluese për përhapjen e koronavirusit, sot është ndërprerë linja hekurudhore Prishtinë-Shkup-Prishtinë.
Kjo është bërë e ditur përmes një komunikate për media nga “Trainkos”.
Ata kanë thënë se ky pezullim do të vlejë deri në një njoftim të radhës.
Komunikata e plotë:
Ju njoftojmë pas rekomandimeve nga Qeveria e Republikës së Kosovës për ndërmarrjen e masave preventive për tu mbrojtur nga pandemia Covid -19 , Menaxhmenti i Hekurudhave të Kosovës Trainkos SH.A ka vendosur që ta ndërpres Linjën ndërkombëtare në transportin e udhëtarëve në relacionin Prishtinë – Shkup – Prishtinë i cili niset nga Prishina në orën 07:10 dhe nga Shkupi në orën 16:10 deri në njoftimin e radhës.
Për çdo ndryshim eventual do të ju mbajmë të informuar.
Ju falënderojmë për mirëkuptim dhe bashkëpunim./InLajmi/
