Orari i kufizimit të levizjes së qytetarëve, shumë personave nuk ju pelqeu si ide dhe ngritën zërin për ndryshim, shkruan InLajmi.
Së fundmi ishte ministri i Shëndetësisë, Arben Vitia, ai i cili deklaroi se pas analizimit të situatës epidemiologjike, monitorimit të kujdesshëm të këtyre ditëve, i ka propozuar kryeministrit Kurti dhe qeverisë plotësim-ndryshimin e vendimeve në raport me masat të cilat kanë për qëllim mbrojtjen shëndetit publik.
Sipas tij, ndër to edhe ndryshimi i vendimit sa i përket orareve të qarkullimit të qytetarëve dhe automjeteve. Tani ky kufizim do të jetë nga ora 17:00 deri në orën 06:00.
“Të dashur qytetarë, bashkëpunimi juaj, vetdisiplina, kujdesi dhe solidariteti janë jetike në këtë betejë. Është jashtëzakonisht e rëndësishme që të jemi bashkë në administrimin e kësaj situate. Ju lutem që të mirëkuptoni, ndiqni dhe të zbatoni të gjitha masat e reja. Për çdo shkelje të masave të përcaktuara, do të shqiptohen dënimet konform dispozitave ligjore”, shkroi Vitia./InLajmi/
