Në seancën e sotme të Kuvendit të Kosovës ka pasur akuza e kundër akuza të ashpra mes shefit të Grupit Parlamentar të Aleancës për Ardhmërinë e Kosovës, Daut Haradinaj dhe deputetes së Lëvizjes Vetëvendosje, Mimoza Kusari-Lilës, shkruan InLajmi
Gjithçka nisi me një deklarim të Kusari-Lilës që më pas shkaktoi reagimin e ashpër të Haradinajt, i cili tha se për patriotizëm mund t’i mbajë shkollë secilit individ.
“E kuptoj pak tensionin se nuk e kanë gjendjen e lehtë. Kom mendu që para se me fol ia përcjellin qëndrimet kryeministrit. Për patriotizëm personal shkollë ju maj krejtve, secilit një nga një, unë nuk ju vallëzoj Gadafave. Unë jam i qitij vendi, me gjak e mbroj dhe e mbroj sa herë që ka nevojë e jo me deklarata fallco. Edhe Thaçi e Kurti le ta dijnë që sen s’i kam dhënë çka jam i gatshëm me i dhënë këtij vendi . Kryeministër mos më fyej, se jam më i përgatitur se ti. Mundesh me iu zgërdhy Bërnabiqit, mundesh me pas gjysën e partisë në SHIK. Jom ushtar i Albin Kurtit në mbrojtje të sovranitetit të Kosovës, s’e kom as fije problemi kush është ai e kush është ky. Pallavra e patriotizëm dikush që ka vallëzu poshtë e nalt s’ka nevojë me më kallzu”, deklaroi Haradinaj.
E pas kësaj u përgjigj edhe Kusari-Lila që tha se Haradinaj po kalon në fyerje personale për shkak të humbjes së argumenteve, shkruan lajmi.net.
“Daut, kur të hupin argumentet njerëzit biejnë në fyerje personale. Nuk pe thom unë këtë po e kanë thënë shumë gra në politikë. Po du me ta rikujtu një argument, qikjo që ka vallëzu nalt e poshtë është ajo që e keni lut sepse ju kanë vyejt votat për qeveri. Unë nuk jam monedhë e kërkujt”, ishte kundërpërgjigja e Kusari-Lilës./InLajmi/
