Kryetari i AAK-së, Ramush Haradinaj, me anë të një postimi në Facebook, ka kujtuar ditën e heqjes së autonomisë së Kosovës nga regjimi i Millosheviqit.
Votimi për revokimin e autonomisë së Kosovës u bë më 23 mars 1989, shkruan InLajmi.
Haradinaj theksoi se e drejta për vetëvendosje është e drejtë e patjetërsueshme e cila na përcolli me dekada.
Postimi i plotë i tij:
Kujtojmë ditën kur makineria politike shtypëse e Millosheviqit e hoqi autonominë e Kosovës.
Nderojmë ditën kur gratë dhe burrat e Kosovës rezistuan dhe qëndruan stoikisht në të drejtën e tyre për vetëvendosje.
E drejta për vetëvendosje është e drejtë e patjetërsueshme e cila na përcolli me dekada. Kjo e drejtë nuk është e zmbrapsjes dhe e përuljes por e rezistencës dhe besimit në vizionin e shtetbërjes dhe vlerave kombëtare e perëndimore./InLajmi/
