Këngëtari Shemi, ka njoftuar të gjithë shokët dhe familjarët se familja e tij pësoi një humbje të madhe, shkruan Inlajmi.
Ai përmes një postimi të bërë në Facebook minuta më parë njoftoi se ka ndërruar jetë bashkëshortja e tij.
Bashkëshortja e Shemit Shpresa po vuante tash e një kohë nga një sëmundje e rëndë dhe pas vete ka lënë burrin e saj dhe dy fëmijë.
Ky është postimi i plotë:
Të dashur familjar dhe miq
Me dhimbje të thellë ju njoftoj se pas një sëmundje të rëndë ndërroj jetë më e dashura e jonë Shpresa, bashkëshortja ime, nëna e dy djemëve të mi.
E di, unë e di që Ju tani do të kishit dëshirë të jeni afër meje tani në këto momente tepër të vështira për mua dhe familjen time.
Me respektin më të madh për Juve, e kam zgjedhë këtë formë për të qenë Ju me mua. Tani në këto momente kur krejt bota po përballet me virusin corona, unë dhe familja ime dëshirojmë më të mirën për Ju. Ne nuk dëshirojmë të rrezikojmë shëndetin e as njerit nga Ju e as nga familje ime.
Përmes faqes së Facebook mund të na shprehni ngushëllime.
Ju lutem duajeni njeri tjetrin, kujdesuni për njeri tjetrin.
