Presidenti i Kosovës Hashim Thaçi ka shprehur ngushëllimet më të sinqerta për familjen nga Dumnica e Podujevës, anëtari i së cilës është viktima e parë e virusit COVID-19 në Kosovë, shkruan InLajmi.
Thaçi ka falënderuar institucionet shëndetësore për përkushtimin, vendosmërinë dhe profesionalizmin që po tregojnë në këto rrethana të rënda.
Presidenti është shprehur se ne duhet t’i ndihmojmë mjekët, duke qëndruar të mbyllur në shtëpitë tona dhe duke i zvogëluar mundësitë e përhapjes më të madhe të këtij virusi.
Thaçi ka thënë se institucionet e shtetit duhet të jenë të gatshme, që në rast nevoje të shpallet menjëherë Gjendja e Jashtëzakonshme. Duke punuar së bashku do ta tejkalojmë edhe këtë sfidë!/InLajmi/
