Pasi rezultoi një person pozitiv me Covid-19 në komunen e Suharekës, kryetari Bali Muharremaj ka ndërmarrë disa masa emergjenteshkruan InLajmi.
Shtabi I Emergjencave në Komunën e Suharekës ka vendosur disa masa për të parandaluar përhpjen me raste të tjera me COVID-19.
Janë ndaluar një sërë aktivitetesh dhe në rast se shihen këto tubime Policia është e urdhëruar që të reagojë.
Më tej në urdhëresën parashihet se të gjithë ata përsona që punojnë në institucionet komunale mbi 60 vjeç të lirohen nga puna.
Shkrimi i tij i plotë në Facebook:
Shtabi Emergjent në Komunën e Suharekës, pas analizës së situatës së krijuar ka vendosur të realizohen këto masa:
– Ndalohen tubimet publike kudo në tërë territorin e Komunës së Suharekës. Ju lutem qëndroni në vendbanimet tuaja (Shtëpi, banesa, etj) dhe asesi të mos lëvizni pa një arsyje emergjente;
– Kërkohet nga Policia që të veprohet kudo ku shihen tubime, përfshirë edhe ato në natyrë të hapur;
– Në institucionet komunale të gjithë punonjësit mbi moshën 60 vjeçare, lirohen nga puna deri në një vendim të ardhshëm;
– “Lagjia e Re” (Sllogja) në qytet nga i cili vjen edhe rasti i parë, do ta ketë kontrollin e rreptë të institucioneve shëndetësore dhe të sigurisë, derisa të kontaktojmë me institucionet relevante për vendime të reja;
– Kërkojmë nga Qeveria e Kosovës dhe Ministria e Shëndetësisë që urgjentisht të na furnizoj me materialet e nevojshme.
– Ju lutemi qëndroni në shtëpi, sepse kjo ua shpëton jetën.
Bali Muharremaj. /InLajmi/
