Qendra e Studentëve në Prishtinë ka njoftuar të gjithë studentët banues të konvikteve se me kërkesë nga Qeveria e Republikës së Kosovës për gjendjen e krijuar në vendin tonë nga pandemia e koronavirusit Covid19, të gjitha objektet e Qendrës së Studentëve janë pastruar, dezinfektuar e paisur me material higjienik, shkruan InLajmi.
Për shkak te kësaj gjendje të krijuar ne kemi marrë të gjitha masat për çdo vendim eventual që mund të merret nga Qeveria e Republikës së Kosovës.
Në këtë situate ne si Qendër e studentëve qenë të detyruar që ti sigurojmë të gjitha gjësendet (rrobat, librat, paisjet elektronike etj) të studentëve ne hapsira të izoluara dhe të sigurta.
Nga Qendra e Studentëve kanë thënë se studentët banues në konvikte nuk kanë nevojë të shqetsohen për gjësendet e tyre.
I’u bëjmë thirrje që t’i ndiqni udhëzimet e dhëna nga organet kompetente me shpresë se së shpejti do ti kthehemi normalitetit
