Për shijen pikante të këtij gullashi meritën e ka speci i shtypur, i cili i jep aromë të posaçme.
Përbërësit:
– 1 lugë vaj i zakonshëm apo vaj ulliri;
– 1 qepë e grirë imët e madhësisë mesatare;
– 2 thelpinj hudhre të grirë imët;
– 75 g suxhuk;
– 1 lugë spec të bluar;
– 400 g domate të grira;
– 200 ml ujë të vluar;
– 2 lugë pure domatesh;
– 400 g qiqra;
– kripë;
– piper.
Përgatitja:
▪ Në një tigan të madh nxehni vajin në temperaturë mesatare.
▪ Shtoni qepën dhe hudhrën dhe fërgoni lehtë 2 – 3 minuta, herë pas here duke i përzier, derisa të zbuten.
▪ Derisa qepa të zihet, pritni suxhukun përafërsisht në 1,5 cm.
▪ Shtoni suxhukut edhe specin e shtypur në tigan dhe fërgoni edhe pak.
▪ Pastaj shtoni domaten, ujin e vluar dhe purenë e domates dhe përzijini mirë.
▪ Lini të vlojnë, pastaj ulni temperaturën.
▪ Lani qiqrat në ujë të ftohtë dhe kulloni.
▪ Shtoni qiqrat në tigan dhe lini të vlojnë.
▪ Edhe rreth 8 – 10 minuta vloni duke i përzier herë pas here, derisa salca të avullojë deri në gjysmë.
▪ Qitni kripë dhe piper sipas shijes.
Ju bëftë mirë!
