Këshilltari i presidentit Thaçi, Adil Behramaj në menyrë të tërthortë ka parashtuar kritika për qeverinë aktuale.
Duke iu drejtuar Ministres së Drejtësisë, nga radhët e Vetëvendosjes, Albulena Haxhiut ai ka thënë se situata në vend është krijuar pikërisht për shkak të keqmenaxhimit të qeverisë aktuale, shkruan InLajmi.
“Sikur të kishit ditur ju çfarë është menaxhimi, sot nuk do t’i kishim këto raste të të infektuarve në rritje nga individë të ardhur nga jashtë Kosovës. Por, të gjithë të ardhurit do t’i trajtonit dhe izolonit me kohë. Ky numër tani pandalshëm është në rritje si pasojë e keqmenaxhimit tuaj”, ka thënë Behramaj.
Ai gjithashtu e kritikoi ashpër Haxhiun për gabimet e saj të shpeshta duke ia përmendur votimin e dekretit të presidentit për shpalljen e Gjendjes së Jashtëzakonshme, siç është kërkuar në bazë të nenit 131, paragrafi 1.3, nuk bëhet me 2/3 e deputetëve, gjë të cilen ministrja e kishte ngatërruar./InLajmi/
