Koronavirusi tashmë siç dihet ka përfshirë pothuajse gjithë botën, duke shkaktuar edhe viktima të shumta.
Kështu në Zvicërr, sipas shënimeve të fundit, numri i të vdekurve në pasditen e sotme ka arritur në 18, nga 14 sa ishin në mbrëmjen e 15 marsit, shkruan sda.ch, transmenton InLajmi.
Fillimisht u bë i ditur një rast vdekjeje në Kantonin e Cyrihut ndërsa pak më vonë edhe tri raste në Kantonin Basel-Stadt.
Në të katër rastet bëhet fjalë për persona të moshuar, të cilët vuanin tashmë nga sëmundje kronike.
Aktualisht në Zvicër janë konfirmuar rreth 2200 raste të infektimeve me coronavirus.
Masat e ndërmarra për luftimin e coronavirusit në nivel vendi po cilësohen si të pamjaftueshme.
Për këtë arsye, disa kantone, “krye më vet”, kanë ndërmarrë masa plotësuese.
Tashmë në pesë kantone është vendosur që të mbyllen të gjitha lokalet hoteliere./InLajmi/
