Konviktet e studentëve në Prishtinë janë dezinfektuar të gjitha, dhe nga fotot shihet që rrobat e studentëve janë larguar.
Nga Qendra e Studentëve thonë se kjo është vetëm procedurë dezinfektimi pas rasteve të konfirmuara me koronavirus në Kosovë.
‘’Jemi duke i pastruar edhe dezinfektuar se kur kanë dalë studentat atë ditë i kanë lënë krejt mbeturinat. Pasi të përfundoj pastrimi e dezinfektimi, i kthejmë sendet në vendet e veta’’, ka thënë Fatmir Sfishta, drejtor i Qendrës së Studentëve.
Në vendin tonë deri më tani janë konfirmuar 15 raste me virusin COVID-19.
Javën e kaluar janë marrë masat e para nga Qeveria e Kosovës, dhe në njërën nga to kërkohej që pas ndërprerjes së mësimit studentët të ktheheshin nëpër qytetet e tyre dhe të lironin konviktet.
