Të paktën 50 persona janë shoqëruar nga Policia e Tiranës, të cilët thyen urdhrin për të mos dalë në rrugë me mjetet e tyre.
Gazetari i Ora News Besar Bajraktaraj raportoi për edicionin e lajmeve, se këta shtetas kanë shkelur urdhërin për të mos dalë me mjete private në rrugë.
Pasi janë ndaluar nga Policia, ata janë shoqëruar në komisariat për verifikime.
Masa ndëshkuese ndaj tyre do të jetë gjoba dhe heqja e patentës.
Të dyja këto masa do t`u komunikohen këtyre drejtuesve të mjeteve me postë ose me telefon, pasi nuk do të dalin në komision.
E njëjta gjë ndodhi mëngjesin e të premtes edhe në Durrës, ku policia shoqëroi disa persona të cilët shkelën urdhërat për daljen në rrugë me mjetet e tyre.
