Besnik Tahiri nga Aleanca për Ardhmërinë e Kosovës, i sheh të palogjikshme mbajtjen e zgjedhjeve në komunen e Podujevës.
Këtë reagim ai e ka bërë në rrjetin social facebook, ku e ka pare të arsyeshme shtyerjen e zgjedhjeve për shkak të situates momentale në vend, shkruan InLajmi.
Ai ka thënë se përgjegjësia ju takon institucioneve per mobilizimin e qytetarëve, duke zbatuar masat parandaluese të përhapjes së koronavirusit.
Postimi i tij i plotë:
Nuk ka logjikë e as legjitimitet për zgjedhjet në Podujevë
Shfaqja e rasteve të para me COVID19 në Kosovë, kërkon fokus të plotë në menaxhimin e situatës.
Për këtë, duhet të konsiderohet seriozisht shtyerja e mbajtjes së zgjedhjeve në Podujevë.
Ndërkaq, institucionet qendrore dhe lokale duhet të kenë mobilizim të plotë për përballim të situatës.
Procesi zgjedhor, në këso rrethana nuk mund të jetë kuptimplotë as për legjitimim të kandidatëve.
Aq më tepër kur në gjithë botën janë pezulluar proceset e tilla dhe ngjarjet tjera publike.
Është përgjegjësi e të gjithë akterëve institucionalë dhe publikë për t’u mobilizuar për thirrjen e qytetarëve për të zbatuar masat parandaluese të përhapjes së rrezikut nga ky virus./InLajmi/
