Ministria e Punëve të Jashtme dhe Diasporës, ia refuzoi kërkesën e sekretarit të përgjithshëm të zyrës së presidentit të Serbisë, Nikola Selakoviq, që ta vizitojë Republikën e Kosovës të enjtën më 14 mars bën të ditur MPJ përmes faqes zyrtare.
Ministria e Punëve të Jashtme dhe Diasporës e Republikës së Kosovës thotë se kërkesat e tilla do t’i shqyrtojë vetëm pas lirimit të Nezir Mehmetaj, i cili u arrestua nga policia serbe më 4 janar 2020, në pikën kufitare në Merdare, derisa po kthehej nga Zvicra në Kosovë, me pretekstin se dyshohet për krime lufte, shkruan InLajmi.
“Kërkesa u refuzua për shkak të arrestimit të padrejtë dhe mbajtjes së vazhdueshme në paraburgim nga autoritetet e Beogradit, të qytetarit të Republikës së Kosovës, Nezir Mehmetaj, edhe pse të gjitha faktet tregojnë se ai do të duhej të lirohej sa më parë”, thotë MPJ./InLajmi/
