Kosova vazhdon ende të mbetet e pa prekur nga coronavirus, i cili deri më tani në mbarë botën u ka marrë jetën 4 mijë e 616 personave, shkruan InLajmi.
Madje dje Qeveria e Kosovës për të parandaluar përhapjen e këtij virusi mori vendim për mbylljen e shkollave deri më 27 mars, si dhe disa masa të tjera.
E në kuadër të këtyre masave, Instituti Kombëtar i Shëndetësisë Publike në Kosovë (IKSHPK) ka bërë të ditur se ekipet e profesionistëve shëndetësorë janë anekënd vendit.
“Ekipet e profesionistëve shëndetēsor anekënd vendit në parandalimin e coronavirus!
Ata janë kudo: në laboratore, në klinika, në spitale, në QKMF, në Aeroport, në kufinjtë e Kosovës!
Së bashku ia dalim! Nuk ka pushim! Nuk ka orar! Nuk ka lodhje! Profesionalizëm, etikë, humanizëm“, shkruan IKSHPK-ja./InLajmi/
