Lajmet e rreme po shkaktojnë probleme e shqtësime në Kosovë. Vërtetohet edhe nga Instituti Kombëtar i Shëndetësisë Publike të Kosovës që në vendin tone ende nuk ka asnjë rast të konfirmuar dhe asnjë i prekur nga koronavirusi, shkruan InLajmi.
Postimi i plotë:
Demant lidhur me lajmin për rastin e dyshuar për Koronavirus
Prishtinë, 10 mars 2020
Instituti Kombëtar i Shëndetësisë Publike i Kosovës njofton opinionin se gjatë ditës së sotme në Laboratorin e Mikrobiologjisë molekulare janë duke u testuar 7 mostra dhe në orët e mbrëmjes do të dalin rezultatet.
Deri tash nuk ka asnjë rast të konfirmuar me virusin COVID-19.
Prandaj, duke qenë që për këto raste nuk ka ende rezultate, lusim mediat dhe publikun që të jenë të durueshëm dhe të marrin informacione nga burimet zyrtare që janë MSh dhe IKSHPK.
Sikurse edhe ditëvë të kaluara, publiku në Kosovë do të njoftohet në baza ditore për rastet e testuara për Koronavirus dhe rezultatet e tyre.
/InLajmi/
