Qeveria e Kosovës zhvilloi sot mbledhjen e jashtëzakonshme ku u ndërmorën masat e reja kundër koronavirusit.
Ndër masat e shumta të ndërmarra nga Qeveria ishte ndërprerja e mësimit si dhe dezinfektimi i hapësirave të ndryshme.
Por tashmë masat kanë filluar të ndërmerren edhe tek pikat kufitare.
Nga Drejtoria e Doganës në Morinë ka filluar që sonte të bëhet dezinfektimi i të gjitha ambienteve të Doganës dhe kabinave të punonjësve të policisë, raporton Indeksonline.
Në Kosovë nuk ka asnjë rast të konfirmuar me koronavirus, teksa në Shqipëri numri i të infektuarve me këtë virus sot ka shkuar në 15.
