Ish Ministri i Drejtësise së Kosovës Abelard Tahiri në llogarinë e tij personale në Facebook është shprehur në mënyrë ironike se “erdhi dita që Albin Kurti e ka premtuar gjatë zgjedhjeve dhe e ka përdor si slogan ‘’do të vijë dita’’ duke e sjellë marrëdhenien speciale te SHBA-së dhe Kosovës në pikën më të ulët dhe të paprecedent.”
Postimi i plotë i tij:
Gjatë e ka trumbetuar se “do të vijë dita” por pak kush e ka besuar se ky mashtrues, do t’i kalojë kufijtë duke e sjellë marrëdhënien speciale mes SHBA-së dhe Kosovës në pikën më të ulët e të paprecedent, siç po ndodhë sot.
Të tronditur po, por të befasuar aspak jo, sepse Albin Kurti e ka paralajmëruar se do të vijë dita. Dhe ja, erdhi dita që zyrtarë të lartë të shtetit amerikan të kërkojnë shqyrtimin e pranisë së SHBA-së në Kosovë, për shkak të një kryeministri mashtrues.
Erdhi pra dita që një kryeministër mashtrues, t’i përzë SHBA-të nga Kosova, ani pse SHBA-të na pranuan, atëherë kur ne ishim të përzënë nga vendi ynë dhe kur pak kush e dinte ku gjendet Kosova në hartë.
Por “dita” e Albin Kurtit është veç një synim ogurzi i tij për Kosovën dhe si të tillë s’do ta zë as mbrëmja. Ne duhet t’i themi mjaft këtij mashtruesi. Ne nuk do të lejojmë që lidhjet shpirtërore e politike mes Kosovës e SHBA-së të merren peng nga një mashtrues.
Çdo minutë që ky njeri vazhdon të jetë kryeministër, është një hap më tej në izolimin e Kosovës./InLajmi/
