E mbijetuara e dhunës seksuale gjatë luftës, Vasfije Krasniqi-Goodman, para deputetëve të Kuvendi tha se duhet tu vije turp të gjithë atyre që po na viktimizojnë çdo ditë, raporton Ekonomia Online.
“Tashmë ju e dini se në shumë vende të botës kam treguar të vërtetën, por asnjëherë nuk janë ndier e fyer. Ndiem mirë kur ka anëtarë dhe burra që mbrojnë gratë e tyre, por ndihem keq kur burrat nuk i mbrojnë gratë e tyre”.
“Nuk mundem t’i them fjalët e atyre që ju thonë grave të tyre sepse kanë dal fjalë që na kanë dëmtuar shumë. Shoqëria jonë na forcon që të jemi nëna të mira e motra të mira. Ku ishit ju që ju dhunua gruaja. Ku e morët vendimin të na përqeshni sërish”.
“Duhet me ju ardhur turp gjithë atyre që po ma viktimizoni çdo ditë. Në kërkojmë nga shteti të na përkrah dhe të na mbështet se çfarë na ka ndodhur neve ka qenë krim e ju nuk keni qenë aty me na mbrojt”.
“Ne jemi duke e bërë një punë që ju të tjerët nuk jeni në gjendje për ta bërë për nënën tuaj, motrën tuaj”, tha ajo.
Ajo pati edhe një kërkesë për deputetët që të merren më seriozisht me krimet e luftës.
“Ju lus deputetë që krimet e luftës t’i merrni më seriozisht se mjaftë më që 20 vite nuk merreni me këto çështje. Në rastin tim nuk keni bërë asgjë”, tha ajo.
