Presidenti Hashim Thaçi po vazhdon t’i takojë një pas një të gjithë liderët e partive politike.
Aktualisht, i pari i vendit është duke zhvilluar një takim me ish-kryeministrin dhe kryetarin e AAK-së Ramush Haradinaj.
Thaçi takimet i ka nisur me kryetarin e LDK-së Isa Mustafa, për të vazhduar më pas me liderin e opozitës Kadri Veselin.
Pas asnjërit nga këto takime nuk ka pasë deklarime për media, por presidenti ka zgjedhur që të flasë për to përmes ‘cicërimave’ në Twitter.
Në agjendë të presidentit është paraparë që takimi i radhës të jetë me kryeministrin Albin Kurti, që është edhe kryetar i Lëvizjes Vetëvendosje, por një takim i tillë nuk dihet akoma nëse do të mbahet ose jo.
I pari i shtetit do të ketë takime edhe me kryetarin e Nismës Fatmir Limaj dhe atë të AKR-së Behgjet Pacolli, shkruan Klan Kosova.
Presidenti Hashim Thaçi po takohet me të gjithë liderët e partive politike me qëllim të informimit, konsultimit dhe koordinimit për çështje të interesit shtetëror.
