Shumë qytetarë të Republikës së Kosovës i janë bashkuar marshit protestues sot më 8 Mars, në ditën ndërkombëtare të gruas, me moton “Marshojmë, S’festojmë” , për të kërkuar drejtësi e barazi në shoqërinë kosovare, Raporton InLajmi
Në kë marsh ka marrë pjesë edhe kryeministri i Kosovës Albin Kurti.
Marshuesit kanë ndaluar te lapidari “Herionat” dhe aty është vendosur një pankartë me mbishkrimin “Edhe ne e kemi bërë shtetin”.
Adelina Tërshani, aktiviste për të drejtat e njeriut, ka thënë se nuk ka arsye për të festuar pasi që, siç tha ajo, gratë sulmohen e vriten nga burrat e shteti hesht
Pjesë e këtij marshi ishte edhe babai i Antigona Morinës, viktimë e bashkëshortit të saj, i dënuar tashmë.
Ndryshe, marshi për Ditën Ndërkombëtare të Gruas, ka përfunduar para ndërtesës së qeverisë.
Qindra gra dhe burra marshuan për më shumë të drejta për gratë. Ligji për barazi gjinore në Kosovë parasheh të paktën 30% femra në të gjitha institucionet.
Sipas të dhënave të shoqërisë civile nga viti 2008 e deri sot shumë se 15 gra janë vrarë nga burrat e tyre, mbi 20 mijë gra kanë raportuar për dhunë në familje, dhe mbi 68% e grave kanë përjetuar dhunë në forma të ndryshme./InLajmi/
