Zëvendësministri i parë i Ministrisë së Punëve të Brendshme dhe Administratës Publike, Xhelal Sveçla, ka vizituar Qendrën e Azilit në Magure të Lipjanit.
Në kuadër të kësaj vizite, zëvendësministri Sveçla ka parë për së afërmi kushtet në të cilat qëndrojnë azil-kërkuesit në këtë Qendër, ku u prit nga udhëheqësi i kësaj qendre, Fitim Zariqi.
Më këtë rast, zëvendësministri Sveçla ofroi përkrahjen e tij dhe të MPBAP-së, për të mbështetur nevojat emergjente që ka kjo Qendër, me qëllim të përgatitjes për çfarëdo fluksi që mund të ketë Kosova nga azilkërkuesit.
Gjithashtu, është bërë vlerësimi i kapaciteteve të menaxhimit të fluksit të mundshëm të emigrantëve, duke marrë parasysh tendencat e fundit të imigrantëve në shtetet e ndryshme të Bashkimit Evropian dhe gatishmërinë që ka Republika e Kosovës me kapacitetet e saja, në rast se do të ballafaqohemi me një krizë të mundshme, thuhet ndër të tjerash në komunikatë. /InLajmi/
