Kryetari i Partisë Demokratike të Kosovës, Kadri Veseli, ka reaguar ashpër ndaj kryeministrit Albin Kurti i cili edhe sonte u denomcua nga Ambasadori Rochard Grenell se ka gënjyer për përmbajtjen e telefonatës me zyrtarët amerikanë të Shtëpisë së Bardhë.
Nëpërmjet një shkrimi në Twitter, Veseli ka thënë se ndihet i tronditur që Kryeministri i Kosovës po jep informacione të rreme për seriozitetin e synimeve të SHBA-së.
“Jam i tronditur që Kryeministri i Kosovës po jep informacione të rreme për seriozitetin e synimeve të SHBA-së. PDK vlerëson punën e Ambasadorit Grennell për të arritur një marrëveshje përfundimtare ndërmjet Kosovës dhe Serbisë dhe është e përkushtuar në përpjekjet e SHBA-së për paqen në Ballkan”, ka shkruar Veseli, shkruan Reporteri.
Para disa javësh kryetari i PDK-së, Kadri Veseli e kishte paralajmëruar Ambasadorin Grenell se kryeministri Kurti po e gënjente me qëndrimet e tij rreth taksës dhe dialogut.
